Cerca nel blog

sabato 13 aprile 2013

Inno Sardo - Fortza paris!


Inno Sardo - Fortza paris!
Musica di Mariano Garau
Testo di Mario Puddu





Sàbudu 13 de abrile a is h. 17.30, in su Cineteatru de Sàrdara, est istétiu presentau s'innu de sa natzione Fortza paris!, chi bolet èssere una proposta de innu natzionale po is Sardos, si una die aus a decídere de ndhe tènnere unu e si at a pràghere a sa gente. 

Su testu, in sardu de mesania ma fintzes cun calecunu foedhu leau de àtera foedhada, dh'at cumpostu Mario Pudhu, autore de su Ditzionàriu de sa limba e de sa cultura sarda e de sa Grammàtica de sa limba sarda cun s'editore Condaghes.

Sa música dh'at cumposta s'iglesiente Mariano Garau, cumposidore apretziau. 
In prus, su maistu Gianni Foddai, diretore de sa Bandha de Arbus, at adatau s'armonia po dha sonare sa Bandha, cosa chi dha faet prus praghillosa puru po giare s'idea de unu pópulu chi camminat. E deosi, cun sa diretzione de su Maistu Foddai, est istétia registrada e fata a CD, cun su testu cantau a tres coros polifónicos: su Coro de Iglésias (diretore M. Garau), su de Arbus (diretrice Anna Maria Dessì) e su de Sedhori (diretore Antoni Pittau).